स्पेनिस लिग फुटबलय् एथ्लेटिको मड्रिड व बार्सिलोना त्यात
चौलाथ्व एकादशी ११४१,बैसाख १० शुक्रवाः
![](https://www.lahananews.com/sites/default/files/barcelona_3.jpg)
स्पेनिस लिग फुटबलय् वंगु चान्हय् एथ्लेटिको मड्रिड व बार्सिलोना त्याःगु दु । धलःया शीर्ष थासय् लिहाँवयेगु झ्वलय् एथ्लेटिको मड्रिडं हुएस्कायात २–० गोलं बुकूगु दु ।
एथ्लेटिको त्याःगु कासाय् एन्जल कोरिया व यानिक कारास्कों छगूछगू गोल याःगु खः । कासा त्याकाः एथ्लेटिको मड्रिड ३२गू कासापाखें ७३गू ल्या मुंकाः हाकन धलःया दकले न्ह्यःनय् थ्यंगु दु ।
ज्वःलाक्क कासा म्हिताः ७२गू ल्या मुंकूगु रियाल मड्रिड निगूगु थासय् दु । ३१गू कासापाखें ६८गु ल्या मुंकूगु बार्सिलोना स्वंगूगु थासय् दु । बार्सां वंगु चान्हय् गेटाफेयात ५–२ गोल अन्तरं बुकूगु खः ।
बार्सां त्याकूगु कासाय् लियोनल मेस्सीं निगोल याःगु खः । ला–लिगाया मेमेगु कासाय् ग्रानाडां आइबारयात ४गू–१गू गोलं बुकूबलय् रियाल सोसीडाडं सेल्टा भिगोयात २–१ गोलं बुकूगु दु ।
Categorized in कासा