पुलाँम्ह जुजु ज्ञानेन्द्र शाह त्यपुयात कोरोना पुष्टि
लहनान्यूज | चौलाथ्व अष्टमी, ११४१, वैशाख ७ मंगलबाः
भारतया हरिद्वारय् गंगा स्नान याना स्वदेश लिहाँझाम्ह पुलाँम्ह जुजु ज्ञानेन्द्र शाह व कोमल शाहयात कोराना संक्रमण पुष्टि जूगु दु ।
गंगा स्नान याना आइतबाः स्वदेश लिहाँ झाया शाह त्यपुलिं कोरोना संक्रमण परीक्षण यानादीगु खः । उगु परीक्षणय् रिपोर्ट पोजेटिभ वःगु निर्मल निवास स्रोतं न्ह्यथंगु दु ।
स्वदेश लिहाँझाय्न्ह्यः शाह त्यपुलिं भारतय् कोरोना परीक्षण याःबले नेगेटिभ रिपोर्ट वःगु खः । वय्कपिनिगु स्वास्थ्य अवस्था सामान्य जूगु नं निर्मल निवास स्रोतं न्ह्यथंगु दु ।
भारतया हरिद्वारय् गंगा स्नानय् ब्वःति काःपिं यक्वःसित कोरोना संक्रमण पुष्टि जूगु दु ।
Categorized in राष्ट्रिय