मुम्बई नं कोलकातायात १० रन त्याकल
लहनान्युज | चौलाथ्व द्धितीया ११४१,बैसाख १ बुधवाः
![](https://www.lahananews.com/sites/default/files/Mumbai-Indians-players_178cc7fadcf_medium.jpg)
इन्डियन प्रिमियर लिग (आईपिएल)य् डिफेन्डिङ च्याम्पियन मुम्बई इन्डियन्स त्याःगु दु।
मंगलवाः चान्ह्य जुगु एमए चिदम्बरम स्टेडिमयम चेन्नईलय् रोमाञ्चक कासाय् मुम्बई नं कोलकाता नाइट राइडर्सयात १० रन बूकुगु खः।
न्हापा ब्याटिङ यासे मुम्बई नं बिःगु १५३ रनया मध्यम लक्ष्य कोलकातां उत्कृष्ट सुरुवात याःसा २० ओभरय् ७ विकेट गुमे याना १४२ रन जक दयकूगु खः ।
कोलकाताया सुभमन गिल व नितिश रानां न्हापागु विकेटया लागि ७२ रनया साझेदारी यासे उत्कृष्ट सुरुवात याःगु खः ।
गिल व नितिश आउट जुइवं कोलकाताया टिम याकन हे धरासायी जुगु खः। नितिश ५४ रन, गिल ३३ रन दयकूगु खः। अथेहे राहुल चहर न उत्कृष्ट बलिङयासे ४ ओभरय् २७ रन खच याना ४ विकेट काःगु खः । अथेहे ट्रेन्ट बोल्डं निगु व क्रुनल पाण्ड्या न छगु विकेट काःगु खः ।
न्हापा ब्याटिङयासे मुम्बई न इनिङया लिपागु बलय् अलआउट जुइ न्ह्य १५२ रन दयकूगु खः। सूर्यकुमारं ५६ रन दयकूगु खः ।
Categorized in कासा