दिल्ली क्यापिटल्सया विजयी सुरुवात
लहनान्युज | चिल्लागा चह्रै ११४१,चैत्र २९ आईतवाः
![](https://www.lahananews.com/sites/default/files/images%20%283%29.jpg)
साविक उपविजेता दिल्ली क्यापिटल्सं चेन्नाई सुपर किंग्सयात पराजित यासे १४ क्वःगु संस्करण इन्डियन प्रिमियर लिग (आईपीएल) य् विजयी सुरुवात याःगु दु ।
ओपनर शिखर धवन व पृथ्वी शले उत्कृष्ट ब्याटिङ यासे अर्धशतक दयका दिल्लीं शनिवाः चेन्नाईयात ७ विकेटं पराजित याःगु खः । चेन्नाई न बिःगु १८९ रनया लक्ष्य दिल्लीं १८.४ ओभरय् ३ विकेट गुमे याना पूरा याःगु खः।
दिल्लीया लागि शिखर धवनं दकलय् अप्वो ८५ रन दयकूगु खः । अथेहे पृथ्वीं ७२ रन व मार्कु स्टोइनिस न १४ रन दिल्लीया कप्तान ऋषभ पन्त १५ रन अविजित जुगु खः। चेन्नेईया सार्दुल ठाकुर २ व डायन ब्राभो १ विकेट काःगु खः।
चेन्नेई न निर्धारित २० ओभरय् ७ विकेट गुमेयाना १८८ रन दयकूगु खः। चेन्नाईया लागि सुरेश रैनां ५४ रन, मोइन अली ३६ रन, साम करन ३४ रन, अम्बाती राएडु २३ रन, रविन्द्र जडेजा अविजित २६ रन दयकूगु खः ।
दिल्लीया लागि बलिङय् क्रिस वोक्स व आभेषष खानं २–२ व रविचन्द्रन आश्विन, टम करनपिन्स १–१ विकेट काःगु खः।
Categorized in कासा