टेबलटेनिस कासामि अनिता महर्जनं एन्निज पिंगपंग क्लब स्थापनायात
शोभा श्रेष्ठ | चिल्लागा चह्रै ११४१,चैत्र २९ आईतवाः
![](https://www.lahananews.com/sites/default/files/aa%20%282%29.jpg)
राष्ट्रिय टेबलटेनिस कासामि अनिता महर्जनं वर्ल्ड टेबलटेनिस डेया लसताय् थः मां अबुया ल्हाःतं एन्निज पिंगपंग क्लब स्थापना यानादिगु दु ।
उगु क्लबय् टेबलटेनिस सयेके मंदुपिन्स प्रशिक्षण काये फइ । थःगु हे छेँय् येँया सामाखुसिइ सरकारी धाराय्स्थापना जुगु उगु क्लब छुं ई न्ह्यःनिसें संचालनय् जूगु खःसा औपचारिक ज्याझ्वः याना थः अबु कान्छाकाजी महर्जन व मां बाँलाः मयजु महर्जनया ल्हाःतं उलेज्या याःगु खः । राष्ट्रया नितिं योगदान बिइगु आज्जुं क्लब स्थपना यानागु धका कासामि अनिता महर्जनं धयादीगु खः ।
कासामि महर्जन टेबलटेनिस कासाय् म्हितुगु १५ दँ दयेधुंकल । थौकन्ह्य महर्जन सशस्त्र प्रहरी बलय् आबद्ध जुयाच्वंगु दु ।
थःगु नितिं टेबलटेनिस जीवनया महत्वं जाःगु पक्ष जूगु धका धयादीसे वयकलं टेबलटेनिसं हे जितः थन तक थ्यंकूगु खः । जिं कयागु ज्ञान फुक्कसित इने चाहेजू । महर्जनं लकडाउनया इलय् कासामिपिन्त ग्वाहालि यानाः समाजसेवाय् नं सक्रियता क्यंगु खः ।
अमेरिकाय् च्वंगु क्यालिफोर्नियाया जिपिं नेपाःमि धैगु संस्थां नेशनल हिरो अवार्ड कोभिड १९ य् महर्जनयात मनोनयन तकं याःगु खः ।
अथेहे, नेपालय् हे नं कोभिड १९ नेशनल हिरो अवार्डय् नं मनोनित जूगु खः ।
Categorized in कासा