म्हिगनिसें बेपत्ता जुयाच्वंपि ७म्ह मिसा मस्त विहारया सीतामढी लुत
चिल्लागा तृतीया ११४१, चैत्र १८ बुधवाः
![](https://www.lahananews.com/sites/default/files/7%20girl.jpg)
म्हिग न्हिनय् निसें बेपत्ता जुयाच्वंपिं महोत्तरीया ७म्ह मिसा मस्त भारत, विहारया सीतामढी जूगु दु ।
उमिसं सीतामढी थ्यंगु धासें भारतीय प्रहरीं नेपाल प्रहरीयात न्ह्यथना बियागु भगाहा नगरपालिकाया मेयर सञ्जीवकुमार साह नं जानकारी बियादिल । म्हिगः न्हिने घाँय् लयेत वःपिं उपिं मिसा मस्त सम्पर्कविहीन जूगु खः ।
भंगहा–८ स्थित धरमपुरय् घाँय् लयेत वःपिं २ म्ह मिसा मस्त व ५म्ह किशोरी नापं ७म्हसिया पुचः छेँजःया स्वापूतिइ मदूगु महोत्तरीया प्रहरी उपरीक्षक दिवेश आचार्यं जानकारी बियादील ।
सम्पर्कविहीन जुुपिं फुक्क दलित समुदायया जूगु प्रहरीं न्ह्यथंगु दु । सम्पर्कविहीन जूपिंलय् स्थानीय १२ दँया सीमा पासवान, १२ दँया रञ्जना पासवान, १३दँया वर्षीय ज्योति पासवान, १३ दँया रिया पासवान, ११दँया अर्चना पासवान, १७ दँया नगीना पासवान व २०दँया अस्मिता पासवान दु ।
सम्पर्कविहीन जूपिनि मालेज्या जुयाच्वंगु प्रहरीं न्ह्यथंगु दु । उपिं फुक्क छेँ लिकसंया चौरय् न्हिने घाँय् लयेत वंगु खः ।