नेवाः पत्रकार राष्ट्रिय दबूया च्याक्वःगु वार्षिक साधारणसभा वइगु चैत २० गते स्वम्ह सञ्चारकर्मी नाप छगु संस्थागतपाखे बोधी टेलिभिजनयात पत्रकारिता पुरस्कार घोषणा जुगु दु ।

उगु सिरपा वरिष्ठ पत्रकार राजेन्द्र स्थापितयात ज्ञानज्योति लक्ष्मीप्रभा स्मृति पत्रकारिता पुरस्कार, बुद्ध सम्बन्धित विषयवस्तुयात प्राथमिकता बियावयाच्वगु बोधी टिभीयात ’भिक्षु कुमार कास्यप स्मृति पत्रकारिता पुरस्कार’, नागरिक दैनिकय् आवद्ध पत्रकार कृष्ण किसीयात ’ज्ञानदेवी मणिरत्न स्मृति पत्रकारिता पुरस्कार’ व फोटो पत्रकार रेखा शाक्ययात ’बाबुराजा ज्यापु फोटो पत्रकारिता पुरस्कार’ बिइगु क्वछिगु दु।

उगु सिरपाया दातापि छसिकथं ज्ञानज्योती कंसाकारया म्ह्याय्, भिक्षु कौडन्य, मोतीशान्ति शाक्य, बाबुराजा ज्यापुपि खः।

Categorized in राष्ट्रिय