स्वनिगःया वायु प्रदूषणय् कन्हय्निसें सुधार जुइगु संभावना
लहनान्यूज | चिल्लाथ्व पुन्ही ११३१, चैत्र १५ आइतबाः
स्वनिगः लिसेंया देय्या थी थी थासय् कायम दूगु वायु प्रदुषणय् थौं नं सुधार वःगु मदुनि । ख्वातुक्क खसु न्यंगुलिं अझं छुं दिं वायुमण्डलया प्रदुषण कायम हे जुइगु विज्ञपिन्सं धाःगु दु ।
जल तथा मौसम विज्ञान विभागया कथं आः देय्या छुं जिल्लाय् मिं नःगु व उकिं ब्वलंगु प्रदूषणया कण वायुमण्डलय् हे मुंगुलिं आपला धैथें थासय् प्रदूषण अप्वःगु खः ।
थौं नं स्वनिगः लिसें चितवन, सिमरा, हेटौँडा लिसेंया क्षेत्रया वायु मानव स्वास्थ्यया नितिं घातक अवस्थाय् दूगु न्ह्यथंगु दु । हलिंया प्रदूषित शहरया धलःखय् आः निगूगु थासय् दूगु येँया वायुया गुणस्तर सुचांक (एक्यूआई) ३६८ दु ।
एक्युआई १५० सिवें च्वयेय् जूसा अस्वस्थ नालेगु याः तर राजधानीया आःया एक्युआई ४०० सिवें च्वयेय् दु उगु अत्यन्त घातक खः । एक्युआई ३०० सिव्ें अप्वः जुइगु हे तसकं घातक जुइगु विज्ञपिनि धापू दु ।
प्रदुषणया हुनिं स्वास्थ्यय् लिच्वः लायेफइगु धका सावधानी नालेत विज्ञपिन्सं इनाप यानावःगु दु ।
