विश्वकप फुटबल छनौट कासाय् इटाली व जर्मनीया विजयीया शुरुवात
चिल्लाथ्व त्रयादशी ११४१, चैत्र १३ गते शुक्रबाः
विश्वकप फुटबल छनौट कासाय् इटाली व जर्मनीं विजयी शुरुवात याःगु दु । ४क्वःखुसिया विश्व विजेता इटालीं वंगु चान्हय् जूगु कासाय् नर्दन आयरल्याण्डयात २–०गूया गोल अन्तरं बुकुगु खः ।
थुगु हे पुचःया मेगु कासाय् स्विटजरल्याण्डं बुल्गेरियायात ३–१गूया गोल अन्तरं बुकल । युरोपेली छनौट अन्तर्गत पुचः जे या कासाय् जर्मनीं आईसल्याण्डयात ३–०गूया गोल अन्तरं बुकुबलय् रोमानियां उत्तरी मेसेडोनियायात ३–२गूया गोल अन्तरं व अर्मेनियां लिचेस्टाईनयात १–०या गोल अन्तरं बुकल ।
वंगु चान्हय् इंग्ल्याण्डं सान मारिनोयात ५–०या तःधंगु गोल अन्तरं बुकुगु दु । थ्वहे पुचःया मेगु कासाय् हंगेरी व पोल्याण्डं ३गू–३गू गोलया ज्वलिन्ज्वः म्हितुबलय् अल्बानियां एन्डोरायात १–०या गोल अन्तरं बुकुगु दु ।
अथेहे पुचः बि या कासाय् स्पेनयात ग्रिसं १गू–१गू गोलया ज्वलिन्ज्वःलय् दिकुबलय् स्विडेनं जर्जीयायात १–०या गोल अन्तरं बुकुगु दु ।
Categorized in कासा
