अमेरिकाया कोलोराडोय् बन्दुकधारीं यःयःथे गोलीं कय्का ११म्ह सीत
चिल्लाथ्व दशमी ११४१, चैत्र १० मंगलबाः
अमेरिकाया कोलोराडो राज्यय् छम्ह बन्दुकधारीं गोलीं कयेका छम्ह प्रहरीलिसें १०म्ह सर्वसाधारया ज्यान वंगु दु । कोलोरोडोया बोल्डर काउन्टीया छगु ग्रोसरी पसलय् बन्दुकधारीं यःयःथें गोलीं कयेकूगु खः ।
घटना लिपा बन्दुकधारीयात प्रहरीं जवाफी कारबाही याना घाइते याना कजय् काःगु खः । थ्वहे दथुई अमेरिकी राष्ट्रपति जो बाइडेनं घटनाप्रति दुःख ब्यक्त यासें अमेरिकाय् सर्वसाधारणं बन्दुक तयेगु कानुनी व्यवस्था दूगु हुनिं थज्यागु घटना जुइगु जुगुलिं थुकिया बारे वाः चायेकामाःगु प्रतिक्रिया बियादिल ।
घटना जुगु थासय् सुरक्षा ब्यबस्था तच्वयेकूगु दु । घटनाया अनुसन्धान नं न्ह्याकूगु दु ।