म्यान्चेस्टर सिटी व रियाल मड्रिड च्याम्पियन्स लिग फुटबलया क्वाटरफाइनलय् प्रवेश, एटलान्टा व बोरुसिया एम्ब्याच पिहाँवन
चौलाथ्व चतुर्थी ११४१, चैत्र ४ बुधवाः
स्पेनीस फुटबल क्लब रियाल मड्रिड व इंग्ल्याण्डया म्यान्चेस्टर सिटी युरोपियन च्याम्पियन्स लिग फुटबल धेंधेंबल्लाया क्वाटरफाइनलय् थ्यंगु दु ।
वंगु चान्हय् जूगु राउण्ड अफ सिक्सटिनया निगूगु लेगया कासाय् इटालीया एटलान्टायात ३–१गूया गोल अन्तरं बुका रियाल मड्रिड क्वपाटरफाइनलय् थ्यंगु खः । न्हापांगु लेगया कासा १–० गूलिं त्याकुगु रियाल मुक्कंलय् ४–१गूलिं त्यागु दु ।वंगु चान्हय् जूगु मेगु कासाय् जर्मनीया बोरुसिया एम्ब्याचयात २–० या गोल अन्तरं बुका इंग्ल्याण्डया म्यान्चेस्टर सिटी नं क्वाटरफाइनलय् थ्यंगु दु ।
न्हापांगु लेगया कासा नं २–०या गोल अन्तरं त्यागु म्यान सिटी मुंक्कंलय् ४–०लिं त्यागु खः । युरोपियन च्याम्पियन्स लिग फुटबलय् थौं चान्हय् निगू कासा जुइत्यंगु दु । न्हापांगु लेगय् १ गू गोलया अग्रता काःगु इंग्लीश क्लब चेल्सीं थांै स्पेनया एथ्लेटिको मड्रिडलिसे म्हितिइ ।
थौं हे जर्मनीया बायर्न म्युनिखं इटालीया लाजियोलिसे धेंधेंबल्ला याइ । न्हापांंगु लेगय् बायर्न म्युनिख ४–१या गोल अन्तरं त्यागु खः ।
