युरोपा लिग फुटबलय् आर्सनल व टोटनह्याम अःपुक त्यात, म्यान्चेस्टर युनाइटेड ज्वलिंज्वलय् दित
सिल्लागा चःह्रे ११४१, फागुन २८ शुक्रवाः
![](https://www.lahananews.com/sites/default/files/totanham.jpg)
युरोपा लिग फुटबलय् इंग्लीश क्लबत आर्सनल व टोटनह्याम हट्सपर त्याःगु दु । राउण्ड अफ सिक्सटिनअन्तर्गत वंगु चान्हय् जूगु न्हापांगु लेगया कासाय् आर्सनलं ग्रिसया ओलम्पियाकोसयात ३–१ गोलं बुकाबिल ।
आर्सनलया लागिं मार्टीन ओडेगार्ड, ग्याब्रियल व मोहोमद एल्नेनीं १÷१ गोल यात । वंगु चान्हय् हे जूगु मेगु कासाय् टोटनह्याम हट्सपरं चेक गणतन्त्रया डाईनामो जाग्रेबयात २–० गोलं बुकल ।
टोटनह्यामयात त्याकेत निगुलिं गोल ह्यारी केनं यात । मेगु इंग्लीश क्लब म्यान्चेस्टर युनाईटेड धाःसा वंगु चान्हय् इटालीया एसी मिलानलिसे १–१ गोलया ज्वलिंज्वलय् द्यूगु दु ।
युरोपा लिगया मेगु कासाय् इटालीया ए.एस रोमां युक्रेनयात शख्तरयात ३–० गोलं बुकूबलय् नेदरल्याण्ड्सया आयाक्सं स्विट्जरल्याण्डया योङ ब्वाइजयात ३–० गोलं ल्यूने लाकाबिल ।
अथेहे, स्पेनया भियारियालं युक्रेनया डाईनामो किभयात २–० गोलं बुकूबलय् स्पेनया हे ग्रानाडां स्विडेनया मोल्डेयात २–० गोलं त्याकल ।
Categorized in कासा