इजरायलका प्रधानमन्त्री बेन्जामिन नेतान्याहुँ न्हापांखुसी यूएईया औपचारिक भ्रमणय्, निगू देय् दथुया स्वापू अझ बाँलाइगु भलसा
सिल्लागा त्रयोदशी ११४१, फागुन २७ विहीबाः
![](https://www.lahananews.com/sites/default/files/benjamin_0.jpg)
इजरायलया प्रधानमन्त्री बेन्जामिन नेतान्याहुँं थौं न्हापांखुसिइ युनाइटेड अरब इमिरेट्स यूएईया औपचारिक भ्रमणय् झायादीत्यंगु दु ।
इजरायल व युृएई दथुया राजनैतिक व कुटनैतिक स्वापूयात भिंका न्ह्यज्यायेगु सहमति कथं प्रधानमन्त्री नेतान्याहँु थौं यूएई झायादीत्यंगु खः ।
नेतेन्याहुं आबुधाबीया युवराज शेख मोमोहद बिन जायद अल नैयानलिसे शिष्टाचार नापलादीगु ज्याझ्व दु । वय्कपिं दथुया नापलाय्ज्या आबुधाबी विमानस्थलय् हे जुइगु धाःगु दु ।
वंगु जनवरीइ हे यूएईलिसे बहराइनया भ्रमण यायेगु ज्या धलः सार्वजनिक याःगु इजरायलं कोरोना भाइरसया महामारीया हुनिं भ्रमण लिछ्यागु याःगु खः ।
इजरायलं लिपांगु ई इरानविरुद्ध मंका विचाः तइगु खाडी देय्तयेलिसे स्वापू भिंकेगु ज्या यानाच्वंगु दु ।
थगुने तत्कालिन अमेरिकी राष्ट्रपति डोनाल्ड ट्रम्पया मध्यस्थताय् इजरायलं ४गू खाडी देय्तयेलिसे छक्वःलं कुटनीतिक व शिष्टाचार स्वापू स्थापित याःगु खः ।