खुसिइ क्वब्वाःपिं प्यम्ह सीम्ह लुत, छम्ह लुइकेमफुनि
सिल्लागा एकादशी ११४१, फागुन २५ मंगलवाः
![](https://www.lahananews.com/sites/default/files/dailekh-karnali.jpg)
कर्णाली नदीइ वेपत्ता जूगु छगू हे परिवारया न्याम्ह मध्ये प्यम्हसियागु सीम्ह लूगु दु । छम्हेसियागू सीम्ह अभंm नं लुइकेपूmगु मदुनि ।
स्वम्ह म्ह्याय् व छम्ह काय्लिसें कर्णाली खुसिइ बेपत्ता जुयाच्वंपिं दैलेखया आठबिस नगरपालिका–३ निमाइलया ३५ दँया सुकी बडुवाल व वय्कया १० दँया ललित बडुवालया सीम्ह लूगु प्रहरीं न्ह्यथंगु दु ।
१६दँया म्ह्याय् कल्पना व १२दँया म्ह्या सरिताया सीम्ह म्हिगः हे लूगु खः । न्यादँया म्ह्याय् रजनीया अवस्था धाःसा आःतकं सीदूगु मदुनि ।
घटना जूगु थासय् दैलेख व अछामया प्रहरी व गोताखोरया टोलीं मालाच्वंगु दु । वडाअध्यक्ष प्रयाग बहादुर शाहीं बजार वनाच्वम्ह मानबहादुर बडुवालयात आइतबाः हे सूचं बिइधुंकुगु खः ।
सोमबाः बहनि निम्ह म्ह्यापिनिगु सीम्ह लुसेंलि न्याम्हेसियां हे कर्णाली खुसीइ क्वब्वाःगु अनुमान याःगु खः ।
निम्ह म्ह्यापिनिगु ल्हा खिपतं चिनातःगु अवस्था लूगु खः । सीम्ह सुकीया भाःत मानसिंह बडुवालयात प्रहरीं कजय् कयातःगु दु ।
न्हियान्हिथं अय्ला त्वना थः कलाःलिसे ल्वापु याइगु सूचंया लिधंसाय वय्कयात कजय् कया अनुसन्धान यानाच्वंगु दु ।
Categorized in अपराध