कोमल वलीं रघुजी पन्तविरुद्ध काठमाडौं जिल्ला अदालतय् मुद्दा दायर
लहनान्युज | सिल्लागा एकादशी ११४१, फागुन २५ मंगलवाः
![](https://www.lahananews.com/sites/default/files/komal-oli-and-raghu-ji-panta.jpg)
राष्ट्रियसभा सदस्य कोमल वलीं नेकपा एमालेया नेता रघुजी पन्तविरुद्ध काठमाडौं जिल्ला अदालतय् मुद्दा दायर याःगु दु।
सार्वजनिक ज्याझ्वलय् थःगु इज्जतय् धक्का वनिइगु नियतं जानी जानी ब्बबिउगु व बेइज्जती जुइगु कथं व उकिया प्रचार प्रसार याःगु धाःसे ओली पन्तविरुद्ध प्यदँ कैद व ४० हजार रुपैयाँ जरिवानाया सजाय माग यासे मुद्दा दायर याःगु दु ।
ओलीं ब्बबिःगु बापत दच्छिया कैद व १० हजार जरिवाना नाप बेइज्जती याःगु बापत निदँया कैद व २० हजार रुपैयाँ जरिवाना व उकिया विद्युतीय माध्यमपाखे प्रचार प्रसार याःगु बापत थप दँच्छि कैद व १० हजार रुपैयाँ जरिवाना माग दावी याःगु खः। ओलीं पन्तया अभिव्यक्तिपाखे थःगु प्रतिष्ठाय् जुगु असर व विद्युतीय व मेमेगु माध्यमपाखे प्रचार प्रसार याना बेइज्जती यागुलि मनासिव क्षतिपूर्ति व मुद्दाय् लगे जुगु खर्च भरे यायेत माग याःगु खः ।
वःगु फागुन १५ गते नेता पन्तं पार्टीइ नीदँनिसे योगदान याना वयाच्वपि मिसापि दु सा कोमल वलीं राष्ट्रियसभाया टिकट बिःगु धाःसे लैंगिक हिंसाजन्य टिप्पणी याःगु खः ।
Categorized in राष्ट्रिय