स्वंगूगु टि–२० आइ कासाय् अष्ट्रेलियाया सानदार जित
सिल्लागाः चौथी ११४१, फागुन १९ बुधवाः
![](https://www.lahananews.com/sites/default/files/Screenshot_2021-03-03%20IN%20PICS%20Martin%20Guptill%27s%2097%20Helps%20New%20Zealand%20Win%20Run%20Feast%20Against%20Australia%20by%204%20Runs%284%29.jpg)
स्पिनर एस्टन अगर छम्हेसियां हे ६गू विकेट कासेंलि न्युजिल्यान्डलिसे स्वंगूगु टि–२० आइ कासा अष्ट्रेलियां सानदार रुपं त्याकूगु दु ।
अष्ट्रेलियां न्युजिल्यान्डयात ६४गू रनं त्याका उगु सिरिज २–१ या अवस्था हःगु खः ।
निसः व गुंगु रनया तब्यागु हाथ्या कयाच्वंगु न्युजिल्यान्ड १७ फुति १गू ओभरय् सच्छि व ४४गू रनय् अल आउट जुल ।
न्युजिल्यान्डया ओपनर मार्टिन गुप्टिलं दक्वले अप्वः ४३गू रन दयेकल धाःसा देभन कन्वें ३८गू रन दयेकल ।
मेपिं ब्याट्सम्यानं बाँलाक्क प्रर्दशन यायेमपूmगु खः । अष्ट्रेलियाया स्पिनर अगरं प्यंगु ओभरय् ३०गू रन तंका ६गू विकेट काल ।
टि–२० आईय् अष्ट्रेलियापाखें ६गू विकेट काइम्ह अगर न्हापाम्ह कासामी जुयादीगु दु । फास्ट बलर राइली मेरीडिथं २, एडम जाम्पा व केन रिचर्डसनं १–१गू विकेट काल ।
थ्वयांन्ह्यः टस बुना ब्याटिङ याःगु अष्ट्रेलियां क्वछिनातःगु २० ओभरय् ४गू विकेटया क्षतिइ निस व च्यागू रन दयेकूगु खः ।
अष्ट्रेलिया ग्लेन म्याक्सवेलं सर्वाधिक ७०गू रनया योगदान बिउगु खः ।