प्रधानमन्त्रीं बियादिल अदालतया अवहेलना जुईकथंयां अभिव्यक्ति मबियागु लिखित जवाफ
सिल्लाथ्व षष्ठी ११४१, फागुन ६ बिहीवाः
प्रधानमन्त्री केपी शर्मा ओलीं अदालतया अवहेलना जुईकथं थःम्हेसियां अभिव्यक्ति मबियागु लिसः बियादीगु दु ।
अदालतया मानहानी मुद्दाय् सर्वोच्च अदालतय् लिखित जवाफ पेश यासें प्रधानमन्त्री ओलीं अदालतपाखें जुईगु ज्याया विषयस् छुंछुं मनुतसें सार्वजनिक रुपं अभिव्यक्ति बिउथें “थ्वः थथे जुईमा, मजूसा आन्दोलन याये, सुयातं कारबाही याय्” थें जाःगु दबाबमूलक व निन्दनीय खँग्वः मछ्यालागु धयादिगु दु ।
प्रधानमन्त्री ओलीं सार्वजनिक ज्याझ्वलय् बियादिगु अभिव्यक्तिं अदालतया अवहेलना जूगु धासें आलतय् रिट दायर जूगु खः ।
उगु रिटय् प्रारम्भिक सुनुवाई यासें सर्वोच्च अदालतं प्रधानमन्त्रीयात थः हे उपस्थित जुया लिखित जवाफ बिइत उजं बिउगु खः ।
उगु हे कथं थौं ३गू पाना ताःहाकःगु लिखित जवाफ पेश याना प्रधानमन्त्री ओलीं मुद्दाया पक्षं मुद्दाया सम्बन्धय् धयादिगु खँयात अदालतया अवहेलनाया विषय दयेके मज्यूगु धयादिल ।
