महिला लघुवित्तया आईपीओय् ६५ गुणां अप्वोसिगु आवेदन
लहनान्युज | सिल्लाथ्व षष्ठी ११४१, फागुन ५ बुधवाः
![](https://www.lahananews.com/sites/default/files/ipo%20%283%29_0.jpg)
माघ ३० गतेपाखे खुले जुगु महिला लघुवित्तया साधारण सेयर (आईपीओ)य् १५ लाख ८० हजार स्वया अप्वोसियो आवेदन बिःगु दु । आईपीओ बिक्रीया लिपागु दिं बुधवाः बहनिया ५ बज तक १५ लाख ८० हजार ७८१ म्हेसिया २ अर्ब ४६ करोड ६६ लाख १७ हजार रूपैयाँ बराबरया २ करोड ४६ लाख ६६ हजार १७० कित्ता सेयरया लागि आवेदन वःगु खः ।
कम्पनीं माघ ३० गतेनिसे जारी पुँजी १० करोडया ४० प्रतिशत जुइगु कथं ४ करोड रुपैयाँ बराबरया आईपीओ बिक्री खुला याःगु खः । कम्पनीं छगु कित्ता १०० रुपैयाँ अंकित मूल्यया ४ करोड रुपैयाँ बराबरया ४ लाख कित्ता आईपीओ बिक्री खुला याःगु खः। उकि मध्ये ५ प्रतिशत अथे धइगु २० हजार कित्ता सामूहिक लगानी कोष व ५ हजार कित्ता कर्मचारीया लागि छुटे याना ल्यःदनिइगु ३ लाख ७५ हजार कित्ता सेयर धाःसा सर्वसाधारणया लागि बिक्री खुला याःगु खः। लघुवित्तया आईपीओ निष्कासन व बिक्री प्रबन्धक नेपाल एसबीआई मर्चेन्ट बैंकिङ याःगु खः ।
आईपीओ निष्कासनया लागि याःगु रेटिङय् इक्रा नेपालं लघुवित्तयात ‘इक्राएनपी इस्यअर रेटिङ डबल बी’ प्रदान याःगु खः । थुकिइ वित्तीय दायित्व पूरा याये फइगु सम्बन्धय् मध्यम जोखिम दुगु संकेत खने दु । गुकिइ सर्वसाधारणया लागि निष्कासन याःगु ३ लाख ७५ हजार कित्ताया ६५.७ गुणा अप्वो खः ।
Categorized in राष्ट्रिय