निगु दर्जन संकिपाकःमिपिं नेपाली काँग्रेसय् प्रवेश
शोभा श्रेष्ठ | सिल्लाथ्व तृतीया ११४१, फागुन २ आइतवाः
![](https://www.lahananews.com/sites/default/files/saki%20%281%29.jpg)
नेपाली संकिपा ख्यलय् नांजापिं निगु दर्जन संकिपाकःमिपि नेपालया प्रजातान्त्रिक इतिहासया न्हाय् कथं कयातःगु नेपाली काँग्रेसय् प्रवेश याःगु दु।
नेपाली काँग्रेसया सूचना तथा सञ्चार प्रसार विभाग अन्तर्गत टेलिभिजन उपसमितिया संयोजकत्वय् विशिष्ट संकिपाकःमि नीर शाहया कुतलय् संकिपाकःमिपिं पार्टी प्रवेश याःगु दु। काँग्रेस सभापति शेरबहादुर देउवा निवास भुइजःसिइ जुःगु पार्टी प्रवेश ज्याझ्वलय् नेपाः या दकले न्हापांम्ह मेकअप आर्टिस्ट सन्तु तामाङ, द्वन्द्व निर्देशनय् एनबी महर्जन, बरिष्ठ सिनेपत्रकार नाप वीर गणेशमान संकिपाया निर्देशक विजयरत्न तुलाधर, नेपाल चलचित्र निर्देशक समाजया अध्यक्ष रक्षासिंह राणा,
नेपाल चलचित्र संघका उप–महासचिव नाप फिल्म वितरक गोपालकाजी कायस्थ, निर्माण नियन्त्रक मिलन सुवेदी, संकिपा च्वमि अभिमन्यु निरबी, चलचित्र पत्रकार संघ नेपालया उपाध्यक्ष दीपज्योति थापा, निर्माता व कलाकार प्रभाकर श्रेष्ठ, निर्माता व कलाकार सुनिल श्रेष्ठ, निर्देशक राजु अर्याल, कलाकार रिश्ता अधिकारी व सबिन श्रेष्ठ, कलाकार दिनेश श्रेष्ठलगायतयात सभापति देउवां स्वाँमा क्वखाएका पार्टी सदस्यता कार्ड बिया पार्टी प्रवेश याकादीग खः।
सभापति देउवां देश निर्माणया ज्याय् कलाकारया योगदान महत्वपूर्ण जुइ धका धयादिगु खः । ज्याझ्वलय् पूर्व सह–महामन्त्री डा.प्रकाशशरण महत व वरिष्ठ संकिपाकःमि नीर शाहं नेपालया प्रजातान्त्रिक इतिहासय् नेपाली कांग्रेस तधंगु भुमिका दुगु खँ कनादिसे न्हापांगु नेपाली संकिपा सत्य हरिश्चन्द्र या निर्देशक डि बि परियार उगु ईलय् नेपाली कांग्रेसया उप महामन्त्रीया रुपय् प्रजातान्त्रिक संघर्ष य् न्ह्यचिलेगु ज्या यानादीगु खँ लुमंकादिल ।
संकिपामि पार्टी प्रवेश ग्वसाः चलचित्र निर्देशक समाजया महासचिव व टेलिभिजन उपसमितिका सदस्य सचिव जनकदीप पराजुली अले उपसमितिका दुजः पिं कलाकार सुशान्त श्रेष्ठ, चलचित्र बिकास बोर्डया पुर्व अध्यक्ष राजकुमार राई व नेपाल प्राविधिक संघया अध्यक्ष पुष्कर लामापि न पार्टी प्रवेश यानादीगु खः।
Categorized in राजनीति