नेपालय् १३म्हेसित न्हुगु कोरोनाभाइरस पुष्टि
शोभा श्रेष्ठ | सिल्लाथ्व तृतीया ११४१, फागुन २ आइतवाः
![](https://www.lahananews.com/sites/default/files/ccc_15.jpg)
नेपालय् थप १३ म्ह कोरोना भाइरस न्हगु प्रजाति खनेदुगु दु।
इपिडिमियोलोजी तथा रोग नियन्त्रण महाशाखाया निर्देशक डा. कृष्ण पौडेलया कथं निवाः दुने मुक्तिनाथ दर्शन याना पोखरा जुया येँ वःपि छम्ह नेपालीयात न्हुगु प्रजातिया भाइरस खनेदुगुलि वनाप सम्पर्कय् दुपि १२ म्हेसिगु नमुना परीक्षण याःगु खः। शनिवाः १२ म्हेसित हे न्हुगु प्रजातिया भाइरस पुष्टि जुगु धका डा. पौडेलं धाःगु दु ।
नेपालय् न्हापागु पटक वःगु पुस २७ गते स्वम्हेसित युके भेरिएन्ट पुष्टि जूगु खः । उपि दक्को बेलायतं लिहा वःपि खः।
न्हुगु प्रजातिया कोरोना भाइरस पहिचानया लागि जिन सिक्वेन्सिङ याये माःगुलि थुुगु सेवा नेपालय् मदु थुगु भाइरसयात परीक्षण यायेत हङकङय् छ्वःगु खः।
Categorized in राष्ट्रिय