थी थी मन्त्रालयया १गू दर्जन सचिवपिनिगु सरुवा
राम डंगोल | सिल्लाथ्व द्धितिया ११४१, फागुन १, शनिबाः
थी थी मन्त्रालय व निकायस ज्या यानाच्वंपिं थ्यंमथ्यं छगू दर्जन अप्वः सरुवा जूगु दु ।
प्रधानमन्त्री लिसें मन्त्रिपरिषद् ज्याकु श्रोतया कथं अख्तियार दुरुपयोग अनुसन्धान आयोगया सचिव सुरेश अधिकारीया निर्वाचन आयोगय् सरुवा जूगु दु ।
अख्तियारय् श्रम मन्त्रालयया सचिव तोयम राययात यंकुगु दु । श्रम मन्त्रालयया सचिवय् सार्वजनिक खरिद अनुगमन ज्याकुया सूर्यप्रसाद गौतमयात छ्वगु दु ।
अथेहे , उद्योग मन्त्रालयया उद्योग सचिवय् प्रदेश १ या प्रमुख सचिव दिनेश भट्टराईयात यंकुगु दु ।
अथेहे , वाणिज्य सचिवय् लोकसेवा आयोगया सचिव अर्जुनप्रसाद पोखरेलयात छ्वगु दुसा लोकसेवा आयोगय् प्रधानमन्त्री ज्याकुया सचिव तोयनारायण ज्ञवालीयात यंकुगु दु ।
अथेहे, खेलकुद मन्त्रालयया सचिव रामप्रसाद थपलियायात शिक्षा मन्त्रालयय् सरुवा याःगु दु । अथेहे राष्ट्रिय प्रकृतिक स्रोत लिसें वित्त आयोगया सचिव वेगेन्द्रराज शर्मा पौड्यालयात भूमि मन्त्रालयय् सरुवा याःगु न्ह्यथंगु दु ।
शिक्षा सचिव गोपीनाथ मैनाली, निर्वाचन आयोगया देवकुमारी गुरागाई व भूमिसुधार मन्त्रालयया सचिव टेकनारायण पाण्डेयात धाःसा सार्वजनिक खरिद अनुगमन, वित्त आयोग लिसें खेलकुद मन्त्रालय मध्येय् सरुवा व्यवस्थापन जूगु प्रधानमन्त्री ज्याकुथिं न्ह्यथंगु दु ।
Categorized in राष्ट्रिय
