थुगुसीया शैक्षिक सत्र असारनिसें न्ह्याइगु
लहनान्यूज | सिल्लाथ्व द्धितिया ११४१, फागुन १, शनिबाः
![](https://www.lahananews.com/sites/default/files/AI-Conference-Nepal-1024x768.jpg)
शिक्षा, विज्ञान तथा प्रविधि मन्त्रालयं ब्वनेकु तगिंया शैक्षिक सत्र १ असारनिसें न्ह्याकेगु तयारी याःगु दु ।
मन्त्रिपरिषद् मुँज्यां शिक्षा (९गूगु संशोधन) नियमावली, २०७७ संशोधन स्विकृति बिइधुंका मन्त्रालयं ज्या न्ह्याकुगु खः ।
१ वैशाखय् न्ह्याइगु शैक्षिक सत्र नोवेल कोरोना भाइरस (कोभिड(१९) महामारीया हुनिं निला लिपा लिहाँवंगु खः ।
अथेहे थुगुसिइनिसें माध्यमिक शिक्षा परीक्षा (एसईई) हाकनं राष्ट्रिय परीक्षा बोर्डं सञ्चालन याये दइगु जूगु दु ।
थगुने कोभिड—१९ या हुनिं ब्वनेकुतयेसं याःगु आन्तरिक मूल्यांकनको लिधंसाय् ग्रेड निर्धारण याःगु खः ।
ब्वनेकु शिक्षाया शैक्षिक सत्र लिसें वार्षिक परीक्षा सञ्चालन व व्यवस्थापन यायेगु खँय् माध्यमिक शिक्षा (१०गू तगिंया) एसईई परीक्षाया खँय् प्रदेश सरकारलिसे माःगु सहकार्य याना बोर्डं साविक कथं परीक्षा सञ्चालन, व्यवस्थापन, नतिजा प्रकाशन व प्रमाणीकरण यायेगु प्रबन्ध याइगु जूगु दु ।
Categorized in राष्ट्रिय