४गू दशक लिपा फेवातालया ड्याम भिंकेज्या
पोहेलागा द्धादशी ११४१, माघ २६ सोमवाः
![](https://www.lahananews.com/sites/default/files/Fewa-Taal.jpg)
छुं ई न्ह्यःनिसें फेवातालया लः म्हो जुयावंगु बुखँ फेसबुक, युट्युब व मेमेगु सामाजिक सञ्जालय् यक्व हे वयाच्वंगु खः । उगु बुखं दक्व मनुत अजु चायाच्वंगु खनेदत ।
लः सुनावंगु वास्तविकता छु ले धकाः सुनानं मस्यूगु जुयाच्वन । कारण खः फेवातालया लः बाः मवंक पनातःगु ड्याम मर्मत सम्हारया नितिं जुयाच्वन ।
फेवातालया ड्याम वंगु ४गू दशकनिसें भिंकेज्या जुईमापूmगु ड्याम आः धासा थुकियात मर्मत सम्हार जुइगु जूगु दु । ताःई तक्क ड्यामया भिंकेज्या मजुबलय् ल पिहाँवनिगु यक्व हे अप्वयावंगु खः ।
ड्याम मर्मत यायेत तालया लः निगू मिटर म्हो याःगु खः ।
थ्वसिबेंन्ह्यः ड्यामयात छुं छुं टालटुल जक याःगु खः धाःसा आःवया बाँलाक्क हे ड्यामयात दयेके ज्या जुइगु जलश्रोत लिसें सिंचाई विकास डिभिजन कास्कीया मू इन्जिनियर किरण आचार्यं जानकारी वियादिल ।
वय्कया कथं २०३५ लिपा फेवाताया ड्याम मर्मत जूगु मदुनि । जोखिम अप्वःया वसेंलि ड्याम मर्मत यायेत्यनागू आचार्यं धयादिल ।
ड्याम मर्मत यायेत छगू क्वति तक मालिगु न धयादिल । तालया ल म्हो यायेबले डुंगा व्यवसायी त धाःसा लिच्वलय् लाःगु दु । न्हापांखुसी २०१७ सालय् दयेकूगु ड्याम २०१९ सालय् क्वचागु खः ।
वयांलिपा २०३१ सालय बाँध स्यंगु खः । २०३५ सालय् हाकनं बाँध दयेकेधुंका हाकनं पुलाँगू स्वरुप हे वःगु खः ।