देयन्यक १०५ म्ह कोरोना संक्रमण पुष्टि
शोभा श्रेष्ठ | पोहेलागा अष्टमी ११४१, माघ २३ शुक्रवाः
![](https://www.lahananews.com/sites/default/files/uu%20%2871%29_45.jpg)
वःगु २४ घण्टाया दुने देयन्यक १०५ म्हसित कोरोना भाइरस संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं २७९९ म्हेसित याःगु परीक्षणय् १०५ म्ह संक्रमण पुष्टि जूगु दु ।
संक्रमितपि १०५ म्ह मध्ये वाग्मती प्रदेशय् ६५, लुम्बिनीइ २१, गण्डकीइ ११, प्रदेश १ य् ४, सुदूरपश्चिमय् २, कर्णाली व प्रदेश २ य् छम्ह छम्हेसित संक्रमित जूगु दु । उकि मध्ये येँ ४३, यलय् १२ व ख्वपय् स्वम्हेसित कोरोना सक्रमण जूग दु । अथेहे चितवनय् न्याम्ह, कास्कीइ गुम्ह, दाङय् न्ह्यम्ह व रुपन्देहीइ प्यम्ह संक्रमित जुगु दु धका मन्त्रालयं धाःगु दु ।
थौंतक नेपालय् कोरोना संक्रमितपि ल्याः २ लाख ७१ हजार ७०७ म्ह थ्यःगु दु । उकि मध्ये २ लाख ६७ हजार ५६४ म्ह कोरोनामुक्त जुइ धुकुगु दु सा २०३५ म्ह सी धुकुगु दु । वःगु २४ घण्टाय् कोरोना भाइरस संक्रमणमुक्त जूपि २७२ म्ह थ्यःगु दु सा निम्ह सीइगु दु।
Categorized in राष्ट्रिय