वास्याः द्यःया आः फ्रेम दुने बन्द यात
शोभा श्रेष्ठ | पोहेलाथ्व षष्ठी ११४१, माघ ६ मंगलवाः
![](https://www.lahananews.com/sites/default/files/wasad%20%282%29.jpg)
येँया थाय्मरु त्वालय् नेवाः तयेगु आस्थाया द्यः वास्याः द्यःया थाय् आः बन्द फ्रेम दुने बन्द याःगु दु। थुगु थासय् आः नँयागु फ्रेमय् प्लास्टिकया न्हाय्कं दुने बन्द यानाः बिउगु खः ।
थुगु सासय् फ्रेम तया बन्द याये माःगु कारणं आः द्यःयात पिनें स्वये फइसां द्यःयाथाय् ध्यबा तयाः नकिं धाःसा ताये मफइगु अवस्थाय् जूगु दु ।
थन सुयां वा स्यात धाःसा थुगु द्यःयात ध्यबा तयाः नकिं ताना बिल धाःसा लना वनी धइगु जन विश्वास दु ।
वंगु छुं ई न्ह्यः जकथगु थासय् निकः तक थ्व द्यः खुया यंकेगु कुतः जूगुलिं सुरक्षाया लागिं अन थ्व फ्रेम तयेगु ज्या याःगु खः ।
Categorized in राष्ट्रिय