पलेस्वांँ पुखुली डोजर आतंकविरुद्ध अभियन्तापिनिगु धर्ना
डंगोल | पोहेलाथ्व षष्ठी ११४१, माघ ६ मंगलवाः
पलेस्वांँ पुखुली म्हिगः चान्ह्य् जूगु डोजर आतंकविरुद्ध अभियन्तापिन्त येँ महानगरपालिकाय् धर्ना बिउगु दु ।
पुरातत्व विभागया निर्देशन अःखः सोमवाः चान्ह्य् डोजर न्ह्याःका जैविक चाः लिकाना युंकूगु विरोधय् मंगलबाः उमिसं महानगरपालिकाय् धर्ना बिउगु खः ।
प्राकृतिक स्वरुप हे स्यंकेगु हथ्यां पलेस्वांपुखुलिइ जुयाच्वंगु कंक्रिट निर्माणयात थःथें दिकेततकं उमिसं माग याःगु खः ।
थःपिनिगु माग पूमवन धाःसा कानूनी उपचार व सतक संघर्ष यायेगु ख्याःच्वः तकं विउगु खः ।
धर्नाय् ब्वति दुपिं पुँलाम्ह मिस नेपाल एवं आर्किटेक श्रृंखला खतिवडां पलेस्वांपुखुलिइ कंक्रिटया मखुसे प्राकृतिक पलस्वाँ ह्वयेका पुखुयात संरक्षण यायेत आग्रह यानादिल ।
धर्नाधुंका अभियन्तापिन्सं मेयर व उपमेयरपिन्त पलेस्वाँ पुखुली जुयाच्वंगु नकरात्मक ज्याः थथें दिकेत इनाप यासें ज्ञापनपत्र बिउगु खः ।
महानगरपालिया उपमेयर हरिप्रभा खड्गीं चान्ह्य जूगु थुगु घटनाप्रति खेद प्रकट यासें पुखुयात प्राकृतिक स्वरुपय् हे दयेकेगु भलसाः बियादिइगु खः ।
