राडीबजारय् अनश्चितकालीन निषेधाज्ञा जारी याःगु दु । जिल्ला प्रशासन कार्यालय न मेगु सूचं पिहा मवतलेया लागि मंगलवाः ५ बजे निसे निषेधाज्ञा याःगु दु ।

प्रमुख जिल्ला अधिकारी बद्रीनाथ गैह्रे न प्यंगु किल्ला तोके याना निषेधाज्ञा आदेश जारी याःगु खः । पूर्वय् घारीखोला, पश्चिमय् ठूलीभेरी, दक्षिणय् सिमबजार व उत्तरय् दाँजेपाखे सू न राडीबजार दुहा वये मदइ कथं निषेधाज्ञा याःगु दु।

आठबीसकोट नगरपालिकाया ९ नम्बर वडा राडीबजारय् छु पुचः म्वाःसा म्वाःसा भेला जुइगु म्वाः मदुगु गतिविधि यासे शान्ति भंग जूइ कथं हुलदंगा व अशान्ति सिर्जना यायेगु कुतः जुगुलि निषेधाज्ञा यानागु धका प्रशासन कार्यालयं धाःगु दु ।

स्थानीय प्रशासन ऐन २०२८ या दफा ६(३) र ६ (३क) कफ्र्यू यानागु धका प्रमुख जिल्ला अधिकारी गैह्रे न धाःगु खः । तोके यागु थासय् अज्यागु छु न गतिविधि यातकि कानुन कथं कारबाही यायेगु जुइ धका प्रजिअ गैह्रे न धाःगु दु।

राडीबजारय् नेकपा व नेपाली कांग्रेसया कार्यकर्ता दथुइ न्हिच्छि यकं झडप जूगु खः । न्हिच्छि यकं झडप जुगुलि राडीबजारय् तनाव जूगु खः। स्थिति यात नियन्त्रणय् हयेत प्रहरीं गूगु राउण्ड हवाई फायर तक याःगु खः।

Categorized in राष्ट्रिय