२३ क्वःगु राष्ट्रिय भूकम्प सुरक्षा दिवस
शोभा श्रेष्ठ | पोहेलाथ्व द्धितीया ११४१, माघ २ शुक्रवाः
![](https://www.lahananews.com/sites/default/files/earthquake-im_5.jpg)
थौं २३ क्वःगु राष्ट्रिय भूकम्प सुरक्षा दिवसया झ्वलय् ‘बहुप्रकोपीय विपदमा भूकम्पीय सुरक्षा, साझा सहकार्यमा जनधनको रक्षा’ धइगु नारा कथं हने त्यःगु दु ।
राष्ट्रिय भूकम्प सुरक्षा दिवसया मूल समारोह ख्वपया मध्यपुर थिमि नगरपालिकाया कुमारी द्यःया बोडेय् ज्याझ्वः याये त्यःगु खः। थौं बोडय् जुइगु ज्याझ्वलय् थुगु दँय् मूल समारोहय् गृहमन्त्री रामबहादुर थापा (बादल) या मूपाहाँसुइ उगु ज्याझ्वः जुइ त्यःगु खः। कोरोना भाइरसया कारण अनलाइन प्रविधिमार्फत् व स्वास्थ्य मापदण्ड पूरा यासे संघ, प्रदेश व स्थानीय तहया थीथी जनचेतना मूलक ज्याझ्वः जुइ त्यःगु खः।
भुखाय् ब्बलकि उकिया सुरक्षा सम्बन्धी निगु ज्याझ्वः राष्ट्रिय गोष्ठी ज्याझ्वः, भूकम्पीय सुरक्षा सम्बन्धी डिजिटल प्रदर्शनी लगायतया ज्याझ्वः सामाजिक सञ्जाल व आम संचार माध्यम नाप अनलाइन प्रविधिपाखे ग्वसाः ग्वये त्यःगु खः। राष्ट्रिय भूकम्प सुरक्षा दिवस माघ २ गते हना वया च्वंगु खः । देशय् भूकम्पीय जोखिम न्यूनीकरण व पूर्वतयारीया विषयय् विगतया कुतः अनुभव आदान–प्रदान यासे न्हुगु प्रविधि व उपाय प्रभावकारी कार्यान्वयनया लागि प्रतिवद्धता यायेगु उद्देश्यं २०५५ साल निसे गृह मन्त्रालयया संयोजकत्वय् नेपाल सरकारं हरेक दँया माघ २ गतेयात राष्ट्रिय भूकम्प सुरक्षा दिवसया रुपं हना वयाच्वंगु खः।
Categorized in राष्ट्रिय