थौं राष्ट्रिय योग दिवस
लहनान्यूज | पोहेलाथ्व पारु ११४१, माघ १ बिहीवाः
![](https://www.lahananews.com/sites/default/files/yoga%20ll.jpg)
थौं राष्ट्रिय योग दिवस । ‘राष्ट्रिय एकता, योगको सान्दर्भिकता’ धैगू नारालिसें थ्व दिवस थीथी ज्याझ्वः याना हनाच्वंगु दु ।
शारिरिक व मानसिक उसाँयया लागि योगया महत्व गुलि दु धैगु ध्वाथुईकेगु आज्जुं थ्वः दिवस हनाच्वंगु दु ।
योग प्राणायाम, आयुर्वेद व जडीबुटीया विकास याना सकलें परिवार, समाज व देय्यात स्वस्थ, समुन्नत व समृद्ध यायेगु अभियानलिसें राष्ट्रिय योग दिवस हनेगु याई ।
नेपाल सरकारं २०७२ साल साउनया क्वजिना कथं हरेक दँया माघ १ गते राष्ट्रिय योग दिवसया कथं हनावयाच्वंगु दु ।
थ्वेहदथुई प्रधानमन्त्री केपी शर्मा ओलीं कोभिड–१९ या प्रकोपं वर्तमान विश्व प्रभावित जुयाच्वंगु ईलय योगया महत्व अझ यक्व दूगु धाःगु दु ।
६क्वःगु राष्ट्रिय योग दिवसया लसताय् भिन्तुना देछासें प्रधानमन्त्री ओलीं योग, ध्यान व आहार–विहारयात ध्यान बिइफत धाःसा कोभिडया महामारीयात क्वतलेफइगु धयादिल ।