चखूया गणना थौंनिसे जुइगु
शोभा श्रेष्ठ | थिंंलागा द्धादशी ११४१, पुस २६ आइतवाः
![](https://www.lahananews.com/sites/default/files/bi_1.jpg)
चितवन राष्ट्रिय निकुञ्ज व वया जःखः थासय् चखू गणना याइगु जुगु दु। चखू गणना यायेगु नेतृत्व यायेत बर्ड एजुकेशन सोसाइटी चितवनया पूर्वअध्यक्ष कथं चितवन राष्ट्रिय निकुञ्ज व जःखःया खुसिइ, तालतलैया व सिमसार थाय् लगायत थीथी थासय् चखूया गणना याये त्यःगु खल् । कसरापाखे लोथर तक छगु थासय् जुइ ।
लोथरनिसे जिन्दगानी घाटतक, जिन्दगानी घाटनिसे सौराहातक व सौराहानिे कसरा ताँ तकयाना स्वगु ब्बः थला डुङ्गापाखे गणना याये त्यःगु खः। निकुञ्जदुने लामिताल, तमोरताल, गरुढताल, बिसहजारी तालतक गणना याइ। बिसहजारी ताल दुने बाटुली पूखु, टिकौली ताल, कुमाल ताल व राइनो तालय् गणना याइ धका जानकारी बिःगु दु।
बूढी राप्ती, ढुङ्ग्रे खुसिइ, भण्डाया मत्स्यपालन केन्द्रय् न गणना याइ। नारायणी खुसिइ निसे सिर्खौली तक अमलटारी व अमलटारीनिसे त्रिवेणी गण्डक नहर तक चखू गणना जुइ धका सङ्घं धाःग दु । थुगु दँय् न्हापागु पटक विस्तृत रुपं रिउ खुसिइ चखू गणना याये त्यःगु खः। थुगु गणनाय् न्यय् म्ह मल्याक गणकपि सहभागी जुइ व खुगुया दुने गणना सम्पन्न यायेगु तयारी दु।
Categorized in राष्ट्रिय