नेपाली कांग्रेसं थौं देयन्यक प्रदर्शन याइगु
रमित | थिंलाथ्व चतुर्दशी ११४० पुस १३ सोमवाः
![](https://www.lahananews.com/sites/default/files/nepali-congressmn-696x387-12122017092946-1000x0_5.jpg)
प्रमुख प्रतिपक्षी दल नेपाली कांग्रेसं संसद विघटनया विरोध थौं देयन्यक प्रदर्शन याये त्यःगु दु ।
१६५ गु निर्वाचन क्षेत्रय् कांग्रेसं विरोध प्रदर्शन यायेत्यःगु खः। विरोध प्रदर्शन नाप सभायायेत सम्बन्धित निर्वाचन क्षेत्रया नेतापिन्स सम्बोधन याइगु ज्याझ्वः दु।
कांग्रेस सभापति शेरबहादुर देउवा धाःसा थःगु निर्वाचन क्षेत्रय् सम्वोधन याइगु ज्याझ्वः मदु। कार्यव्यस्तताया कारण देउवां ख्वपय् जुइगु विरोध सभाय् सम्बोधन याइगु ज्याझ्वः तया तःगु दु । अथेहे कांग्रेस वरिष्ठ नेता रामचन्द्र पौडेलं दमौली वना सम्बोधन याइगु ज्याझ्वः दु।
कांग्रेस कार्यकर्तापिन्स ब्यानर, प्लेकार्ड नाप् प्रदर्शन व सभाय् निर्धारित नारा जक यायेगु परिपत्र जारी याःगु दु। नेपाली कांग्रेसं संसद विघटनयात असंवैधानिक व अलोकतान्त्रिक धया वयाच्वंग् खः।
Categorized in राजनीति