समयबजिं ‘भिन्तुना’ बिल
लहनान्यूज सम्वाददाता | कौलाथ्व पारु ११३६ (अक्टोबर १, २०१६)
![](https://www.lahananews.com/sites/default/files/samaybaji1.jpg)
मोहनीया लसताय् ईमेज च्यानलया समयबजि ज्याझ्वलं भिन्तुना कालबिल ज्याझ्वःया ग्वसाः ग्वःगु दु ।
नेवाःया लिसें नेपाःया संगीत ख्यलय् नांजाःपिं कलाकारलिसें पत्रकारतय् दथुइ समयबजिं भिन्तुना कालबिल याःगु खः । ज्याझ्वलय् नांजाःपिं म्येहालामिपिन्सं थःथःगु म्ये न्ह्यब्वयादीगु खः ।
भिन्तुना ज्याझ्वलय् माणिक शाही, ज्योति घिमिरे, भीम तुलाधर, विनु मानन्धर, सरस्वती मानन्धर, अन्जन श्रेष्ठलिसेंया कलाकारपिन्सं म्ये न्ह्यब्वयादीगु खः । अथे हे मोडल आराध्यलक्ष्मी खड्गीं हुलाप्याखं न्ह्यब्वयादीगु खः ।
ज्याझ्वःया सकल ब्वतिमिपिन्त समयबजि पुचःपाखें ह्याउँ सिन्हः तिकेगु लिसें ह्याउँगु कोखा कोखायेकाः भिन्तुना देछाःगु खः ।
Categorized in मनोरन्जन