सहकारी बैंकया१६ क्वःगु वार्षिक साधारणसभा
लहानान्युज | कछलाथ्व पुन्हि ११४१, मंसिर १५ सोमवाः
![](https://www.lahananews.com/sites/default/files/kakaka.jpg)
राष्ट्रिय सहकारी बैंकं नवलपुरया निगु सहकारी संस्थायात पुरस्कृत याःगु दु। आर्थिक वर्ष २०७५÷०७६ य् उत्कृष्ट कारोबार याःगु व नियमित कारोबार याःगु सहकारी संस्थायात छगु ज्याझ्वः दथुइ पुरस्कृत याःगु खः ।
बैंकया कावासोती शाखाय् उत्कृष्ट कारोबार याःगु अमर बचत तथा ऋण सहकारी संस्था लिमिटेड व नियमित कारोबार याःगु नव त्रिवेणी बचत तथा ऋण सहकारी संस्था लिमिटेडयात पुरस्कृत याःगु खः।
सहकारी बैंकं केन्द्रीय स्तर, प्रदेश स्तर व शाखा स्तरय् उत्कृष्ट कारोबार याःगु संस्थायात पुरस्कृत याना वयाच्वंगु खः। १६ क्वःगु वार्षिक साधारणसभाय् शाखास्तरीय पुरस्कारया लागि छनोट जुगु संस्थायात कोरोना संक्रमणया कारण लिवाःगु धका बैंकं धाःगु खः ।
ज्याझ्वः बैंक समन्वय उपसमिति कावासोतीया संयोजक तिलक पराजुलीया अध्यक्षताय् व शाखा प्रमुख रुक्मत श्रेष्ठं न्ह्याकादीगु खः।
Categorized in राष्ट्रिय