सुथया तापक्रम ५.४ डिग्री सेल्सियस
लहानान्युज | कछलाथ्व पुन्हि ११४१, मंसिर १५ सोमवाः
थौं येँय् सुथसियाःगु तापक्रम ५.४ डिग्री सेल्सियस दु । थ्व स्वया न्ह्यः आइतवाः सुथय् ४.८ डिग्री सेल्सियस तामक्रम मापन जुगु खः ।
सुथं ६ बजे येँ तापक्रम ५.४ डिग्री सेल्सियस मापन जुगु दु । न्हिनय् तापक्रम बढे जुया २०—२२ डिग्री सेल्सियस थ्यनिगु सम्भाना दु धका मौसमविद् न धाःगु दु। स्वनिगलय् थौं मौसम सफा जुइ धका धाःगु दु ।
पहाड व हिमाली क्षेत्रय् न थौं मौसम सफा जुइ । वाः वइगु व हिमपातया सम्भावना मदु। थौं वाःवइगु सम्भावना मदुसा कन्हय व कसं सुपाँय् भुनिइगु सम्भावना दु।
जल तथा मौसम विज्ञाव विभागया कथं वइगु २४ घण्टाय् देय् यक्को थासय् वायुया तापक्रमय् गिरावट वइ ।
तराई भू–भागय् सुथय् वायुया पारदर्शिताइ कमी जुया सडक व हवाई यातायात प्रभावित जुइगु सम्भावना दुगु धका धाःगु दु।
