महासंघया वरिष्ठ उपाध्यक्ष व्यवसायी चन्द्र ढकाल
शोभा श्रेष्ठ | कछलाथ्व चतुर्दशी ११४१, मंसिर १४ आइतवाः
![](https://www.lahananews.com/sites/default/files/dhakal.jpg)
उद्योग वाणिज्य महासंघया वरिष्ठ उपाध्यक्षय् व्यवसायी चन्द्र ढकाल त्याःगु दु।
महासंघको ५४ क्वःगु वार्षिक साधारणसभा शनिवाः जूगु निर्वाचनय् निकटतम प्रतिद्वन्द्वी किशोर प्रधानयात पराजित यासे ढकाल महासंघया वरिष्ठ उपाध्यक्ष जूगु खः।
वस्तुगत तर्फय् उपाध्यक्षय् अन्जन श्रेष्ठ व जिल्ला नगरय् उपाध्यक्ष दिनेश श्रेष्ठ व एसोसियटतर्फ उपाध्यक्षय् रामचन्द्र संघाई निर्वाचित जूगु दु।
महासंघया जिल्ला नगरय् मत ५० प्रतिशत हिस्सा दु। ढकाल समूहया कुल १०५ मत क्वहा वःगुलि ढकालं ५२ व प्रधानं ५३ मत काःगु खः।
अथेहे ३० प्रतिशत हिस्सा दुगु एसोसियटय् ८९७ सदर मतमध्ये ढकालं ५२२ व प्रधान ३७५ मत काःगु खः।
अथेहे ६० म्ह कार्यकारणी सदस्य निर्वाचित जूगु दु। महासंघं न्हुगु नेतृत्वया लागि शनिवाः मतदान जूगुलि थौं आइतवाः तक दक्को नतिजा घोषणा तक वइ।
महासंघया विधान कथं वरिष्ठ उपाध्यक्ष हे स्वतः अध्यक्ष जुइगु प्रावधान दु ।
Categorized in राष्ट्रिय