बराहयात मुकुट व अक्षयकोष चेक हस्तान्तरण
लहानान्युज | कछलाथ्व चतुर्दशी ११४१, मंसिर १३ शनिवाः
![](https://www.lahananews.com/sites/default/files/16a.jpg)
म्हिगः निसे न्ह्याःगु कार्तिक प्याखनय् बराहयात न्हुगु मुकुटया लागि यल महानगरपालिका १६ वडाया ग्वाहालि याःगु दु।
म्हिगः बहनि जूगु ज्याझ्वलय् यल महानगरपालिका– १६ वडा अधक्ष्य निर्मलरत्न शाक्यं बराहयात मुकुट व झीगु लाख अक्षयकोषया लागि ग्वाहालि याःगु खः।
छगु ज्याझ्वः दथुइ कार्तिक नाच संरक्षण समितिया अध्यक्ष किरण चित्रकारयात यल महानगरया १६ वडा अध्यक्ष निर्मलरत्न शाक्यं बराहया मुकुट नाप झीगु लाखया चेक हस्तान्तरण याःगु खः।
थुगुसि कोरोना महामारीया कारण दर्शक मतस्ये निगु जक कार्तिक प्याखं क्यने त्यःगु खः। न्हापा कार्तिक प्याखं झीनिन्हु क्यना वयाच्वंगु खः।
किपा निर्मलरत्न शाक्य फेसबुकपाखे
Categorized in राष्ट्रिय