प्रजापति खलःया द्यःछेँया जग स्वन
नृपेन्द्रलाल श्रेष्ठ | कछलाथ्व एकादशी ११४१, मंसिर १० मंगलवाः
![](https://www.lahananews.com/sites/default/files/1_59.jpg)
ज्याथा पञ्चदान गुथि प्रजापति खलःया द्यःछेँ छगु ज्याझ्वः दथुइ येँ महानगरपालिकाया मेयर बिद्यासुन्दर शाक्यं द्यःया जग स्वनादिगु दु।
उगु ज्याझ्वलय् थःगु खँ तयादीसे येँ महानगरया मेयर झी नेवाःत बिधिता दुने एकता दुपि खः। झीगु नेवाः तयेगु तजिलजि पहिचान ल्यकेत झी हे न्ह्यचिगिु कथं नेवाः तयेगु द्यः छेँ आगःछेँ नाप बिहार दयेकेगु ज्याय् महानगर न्ह्यचिला च्वनागु दु।झीगु पुर्खा तयेस दयके तःगु सम्पदा संरक्षण यायेमाः धका धयादिगु खः।
ज्याझ्वः प्रजापति खलःया नायः धनबहादुर प्रजापतिया सभाध्यक्षताय् जूगुलि येँ महानगर २५ वडा अध्यक्ष नीककाजी शाक्य, कार्यपालिका सदस्या रमिता तुलाधरपिनिगु न उपस्थिति दुगु खः।
उगु द्यःछेँ ६ आना जग्गाय् करिब ५ करोडया लागतं दच्छिया दुने निर्माण सम्पन्न यायेगु ग्वसाः याना तःगु दु।
Categorized in राष्ट्रिय