इटालीया सिरी ‘ए’य् मिलानं नेपोलीयात ३–१ गोलं त्याकल
मनिष | कछलाथ्व नवमी ११४१, मंसिर ८ सोमवाः
ज्लाटन इब्राहिमोभिचया निगु गोलं इटालीया सिरी ‘ए’य् शीर्ष स्थान दुगु एसी मिलानं नेपोलीयात म्हिगः चान्ह्य जूगु कासाय् ३–१ गोलं त्याकूगु दु।
लिगय् मिलानं नेपोलीयात त्याकूगु थ्व दशकय् न्हापागु खः।
काया झ्वलय् इब्राहिमोभिच घाइते न जुगु दु। स्विडेनी ३९ दँ दुम्ह कासामिं न्हापागु हाफय् हेडपाखे न्हापागु गोल याःगु खः।
मेगु हाफय् निगुगु गोल थपे याःगु खः। थ्व नाप सिजनय् गोल ल्याः १० गु थ्यःगु दु। नेपोलीया लागि ड्रिस मार्टेन्सं छगू गोल याःगु खः। अ
थे मिलानया लागि जेन्स पिटर पेनाल्टीपाखे छगू गोल याःगु खः। उगु कासाय् टिमोउ बाकायों निगु म्हासागु कार्ड नाप मैदान छाड्न बाध्य जूगु खः।
कासा सिधइगु ११ मिनेट न्ह्यः घाःपाः जुया इब्राहिमोभिचं मैदान त्वते माःगु खः।
Categorized in कासा