फिल्म सिद्धान्तया सफू नापं शर्टफिल्म वइगु
लहानान्युज | कौलागा त्रयोदशी ११४०,कार्तिक २८ शुक्रवाः
![](https://www.lahananews.com/sites/default/files/Cover%20Rakesh%20Film%20Book.jpg)
नेपाल संवत् ११४१ न्हूदँया लसताय् नेवाः फिल्मकर्मी राकेश महर्जनया फिल्म सिद्धान्तसम्बन्धी सफू ‘फिल्म सिद्धान्तया खँ’ विमोचन जुइत्यंगु दु ।
नेपाल संवत् न्हूदँ राष्ट्रिय समारोह समिति ११४१ या नायः रमेश महर्जनया मू पाहांसुइ वइगु छगू ज्याझ्वःया दथुइ उगु सफू विमोचन जुइत्यंगु खः ।
उगु हे ज्याझ्वलय् फिल्मकर्मी महर्जनया शर्टफिल्म'Colorful umbrella' नं नेवाः युट्युबया प्लेटफर्मपाखें सार्वजनिक नं जुइत्यंगु दु । कोरोना संक्रमणया कारणं सामाजिक दुरी कायम यानाः जुइत्यंगु उगु विमोचन ज्याझ्वः नेवाः युट्युबपाखें लाइभ प्रशारण जुइत्यंगु खः ।
नेवाः अमेरिकन दबू, शिकागोपाखें पिथंगु थ्व सफुतिइ फिल्म सिद्धान्तया आधारभूत खँया विषय च्वयातःगु दु । फिल्म विद्यार्थी व फिल्मकर्मीतय्त फिल्मसम्बन्धी सैद्धान्तिक ज्ञान बीत पिथंगु थ्व सफू फिल्म सिद्धान्तसम्बन्धी नेपालभाषाया न्हापांगु सफू नं खः ।
कोरोना संक्रमणया हुनिं आः स्वन्ति व न्हूदँया लसताय् जक पितबीत्यनागु जुल,” सफूया च्वमि राकेश महर्जनं जानकारी बिगु खः।
Categorized in राष्ट्रिय