नेपाल संबत् ११४१ न्हूदँ मंकाः भर्चुअल भिंतुना सभा कन्हय् शनिवाः न्हिनसिया २ः०० ताः इलय् थिमि ब्यान्क्वेट थिमिइ जुइगु ज्याझ्वः दु।

सँस्कृतिबिद् लिसें नेपाल संबतया थीथी पक्षयात कयाः अनुसन्धान न्ह्याका वयाच्वनाम्ह काशिनाथ तमोतया मूपाहाँसुइ उगु ज्याझ्वः जुइ त्यःगु खः। थुगु मंकाः भिंतुना सभाय् नेपाल संबत् न्हूदँ राष्ट्रिय समारोह समिति ११४१, नेवाः देय् दबू, राष्ट्रिय बिभुति शंखधर प्रतिष्ठान, नेपालभाषा मंकाः खलः यल, न्हूदँ समारोह समिति यलया मंकाः ग्वसालय् जुइत्यंगु खः।

उगुं मंका भर्चुअल भिंतुना सभा नेवाः युट्युबया फेसबुक पेजपाखें प्रत्यक्ष प्रसारण याये त्यःगु खः। कोरोना महामारीया कारण थुगुसिइ न्हूदँया साँस्कृतिक ¥याली मजुइग्ु दु। छुं दिं न्ह्यः थुगु हे मंकाः ग्वसाः खलपाखे मंका अपिल पिथनाः नेपाल संबतया न्हूदँ कछलाथ्व पारु (मंसिर १ गते) हे हुलमुल मयासे सञ्चार माध्यमपाखें ब्यापक प्रचार प्रसार यानाः हनेत इनाप याःगु खः ।

मंकाः अपिलय् स्वन्ति नखःया झ्वलय् नेवाःतय्सं हनावयाच्वंगु नेपाल संबत न्हूदँ, म्हपुजा व किजापुजाया तिथि मितिइ एकरुपता खने मदयाच्वंगु खँय् आरोप प्रत्यारोप यानाः मनमुताब पिमथनेत इनाप याःगु खः।

Categorized in राष्ट्रिय