नेपालय् कोरोना सक्रमितपि २ लाख स्वया अप्वोल
लहानान्युज | कौलागा एकादशी ११४०,कार्तिक २६ बुधवाः
नेपालय् कोरोना संक्रमितपि २ लाख स्वया अप्वो जुगु दु।
वःगु २४ घन्टाया दुने नेपालय् थप २५६९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया कथं थौं बुधवाः थपे जुपि याना आःतक नेपालय् कोरोना संक्रमितपि २ लाख २३२९ म्ह थ्यःगु दु। वःगु २४ घण्टाय् जक १० हजार ८१ म्हेसिगु पीसीआर परीक्षण याःगु खः।
थ्व नाप आःतक पीसीआर विधिपाखे १५ लाख ७४ हजार २९५ म्हेसित परीक्षण याये धुकुगु दु धका मन्त्रालयं धाःगु दु। अथेहे वःगु २४ घन्टाया दुने कोरोनामुक्त जूपि १६६६ म्ह डिस्चार्ज जूया छेँय् लिहावने धुकुगु दु।
थ्व नाप आःतक कोरोनामुक्त जूपि १ लाख ६२ हजार २४३ म्ह थ्यःगु दु। देय् यकं सक्रिय संक्रमितपि ३८ हजार ९१२ म्ह दु धका मन्त्रालयं धाःगु दु।
