कैलालीइ कोरोना निम्ह मन्त
लहानान्युज | कौलागा नवमी ११४०,कार्तिक २४ सोमवाः
![](https://www.lahananews.com/sites/default/files/2dae_27.jpg)
कैलालीइ कोरोना संक्रमणं थौं सोमवाः सुथय् निम्ह मन्त। टीकापुर नगरपालिका–१ या ९० दँ दुम्ह मिजं व धनगढी उपमहानगरपालिका २ या ८४ दँ दुँम्ह मिजंम्ह थौं सुथय् कोरोना संक्रमणं मदुगु खः।
२० गते कोरोना पुष्टि जुम्ह टीकापुरया मिजंम्ह होम आइसोलेसनय् च्वनाच्वंगु खः। होम आइसोलेसनय् मदुगु धका टीकापुर नगरपालिका स्वास्थ्य शाखा प्रमुखं जानकारी बिःगु खः।
धनगढीया ८४ दँ दुम्ह मिजंम्ह कडा प्रकारया निमोनिया खनेदुगु खः।
शुक्रवाः निसे अस्थायी कोरोना अस्पतालय् भेन्टिलेटर तया वासः याना वयाच्वंगु खःसा थौं सुथय् मदुगु धका सेती प्रादेशिक अस्पतालया सूचना अधिकारी धाःगु खः।
Categorized in राष्ट्रिय