स्थानीय तगिं थपया निर्णय विरुद्ध रिट
लहनान्यूज | चिल्लाथ्व दशमि ११३७ (मार्च ७ २०१७)
![](https://www.lahananews.com/sites/default/files/supreme-court-of-Nepal.jpg)
स्थानीय तगिंया ल्याः थकायेगु मन्त्रिपरिषदया निर्णय संविधान विपरीत जूगु धासें उकिया विरुद्ध सर्वोच्च अदालतमा रिट निवेदन दर्ता जूगु दु ।
२५ स्थानीय तगिं थप यासें मन्त्रिपरिषदं स्थानीय तगिंया ७४४ थ्यंकूगु संविधान अःखः जूगु धासें अधिवक्ता चिरञ्जीवी रिजालं रिट निवेदन दर्ता याकूगु खः । मन्त्रिपरिषदया आइतबाःया मुँज्यां स्थानीय तगिंया ल्याः ७४४ दयेकेगु क्वःछ्यूगु खः ।
थ्वयां न्ह्यः स्थानीय तह पुनःसंरचना आयोगं गांपालिका व नगरपालिका यानाः देयन्यंक ७१९ स्थानीय तगिं दइगु क्वःछ्यूगु खः । स्थानीय तगिंया ल्याः वसीमा निर्धारण यायेगु अधिकार आयोगयात जक हे दुगुलिंसरकारी निर्णय संविधान विपरीत जूगु रिटय् धयातःगु दु ।
रिटय् निर्वाचनया मिति घोषणा व आचारसंहिता लागू जुइधुंकूगु अवस्थाय् सरकारं निर्णय याःगु धासें उकियात बदर यायेत माग याःगु दु ।
Categorized in राष्ट्रिय