किपू नगरपालिकाय् निर्माण जुयाच्वंगु थीथी थासय् अनुगमन
लहानान्युज | अनलागा ३० ११४०,असोज ३० बिहीवाः
![](https://www.lahananews.com/sites/default/files/kipu1_0.jpg)
किपू नगरपालिकाया योजनाय् नियमित अनुगमन यायेगु झ्वलय् अनुगमन टोलिया संयोजक कीर्तिपुर नगरपालिकाया उप–प्रमुख सरस्वती खड्काया नेतृत्वय् थीथी थासय् अनुगमन याःगु दु।
अनुगमन यायेगु झ्वलय् वडा नं. ३ समलय् दयेमका वयाच्वंगु सामुदायिक भवन, वडा नं. २ लय् गःसिइ ढलान यायेत्यःगु लँ, वडा नंं ३ य् विश्व राष्ट्रिय मा.वि.पाखे सल्यानस्थानय् वनेगु लँय् याःगु पीच, वडा नं. ४ कार्यालय दुगु चम्पादेवी निसे बाघ भैरव द्यःया थाय् वनेगु दयेका च्वंगु लँ य् निरीक्षण व अनुगमण याःगु दु ।
![](https://www.lahananews.com/sites/default/files/pictures/ki3_0.jpg)
अथेहे वडा नं. ६ य् दयेका च्वंगु लिच्छिविकालिन जालपादेवी देगः, वडा नं. ६ याःगु हे वडा भवनया प्यंगु तल्लाय् ढलानय् अनुगमन याःगु खः।
![](https://www.lahananews.com/sites/default/files/pictures/ki2_1.jpg)
उगु अनुगमन टोलिइ प्रमुख प्रशासकीय अधिकृत सीता परियार, वरिष्ठ ईन्जिनियर बालकृष्ण महर्जन, प्राविधिक चाँदनी थापा, अनुगमन समितिया सदस्यपि वडा नं. ४ या अध्यक्ष राजेन्द्र वानियाँ व अनुगमन समितिया सदस्य नाप वडा नंं ३ या सदस्य नन्ददेवी महर्जनपिन्स अनुगमन यानादिगु खः।
Categorized in राष्ट्रिय