कोलकातां चेन्नाइयात १० रनं त्याकल
लहानान्युज | अनलागा ६ ११४०,असोज २२ बिहीवाः
![](https://www.lahananews.com/sites/default/files/kol.jpg)
म्हिगः चान्ह्य जुगु कासाय् कोलकाता नाइट राइडर्स नं चेन्नाई सुपर किंग्सयात १० रन बूकुगु दु।
आईपीएल क्रिकेट अन्तर्गत जुगु कासाय् कोलकातां चेन्नाईयात १६८ रनया चुनौति बिःगु खः। चेन्नाई न निर्धारित २० ओभरय् ५ विकेटया क्षतिइ १५७ रन जक दयेकेत ताःलागु खः।
कोलकाता त्याकेगु लागि ओपनर राहुल त्रिपाठीं दकलय् अप्वो ८१ रन दयेकूगु खः। ५१ बलया सामनायासे ८ चौका व ३ छक्का प्रहार याःगु खः। त्रिपाठी उगु कासाय् म्यान अफ द म्याच न
जुगु खः।
चेन्नाईयात दकलय् लिपागु ओभरय् २६ रन माःगु खः। तर आन्द्रे रसेल न १५ रन जक बिःगु खः। चेन्नाई न १० ओभरय् छगु विकेटय् हे ९० रन दयेकुसा लिपागु १० ओभरय् धाःसा ६७ रन
जक दयेकेत ताःलागु खः।
चेन्नाइया लागि शेन वाटसनं ५० रन, कप्तान महेन्द्र सिंह धोनी ११ रन, केदार जाधव न १२ बलय् ७ रन, अम्बाती रायडुे ३० रन, डु प्लेसिस व साम कुरान न समान १७–१७ रने नाप रविन्द्र जडेजा २१ रन नटआउट जुगु खः।
व स्वया न्ह्यः अबुधाबीइ टस त्याका न्हापा ब्याटिङ याःगु कोलकातां निर्धारित २० ओभरय् १६७ रन दयेकूगु खः।
कोलकाताया ओपनर राहुल त्रिपाठी बाहेक मेपि ब्याट्सम्यानपि बाहेक मेपिन्स बालाक्क म्हित मफुत। प्याट कमिन्सन न नटआउट १७ रन व सुनिल नरेन न १७ रन दयेकुगु खः। कप्तान दिनेश कार्तिक, इयान मोर्गान व आन्द्रे रसेल धाःसा बालाक्क म्हित मफुत।
चेन्नाईया लागि ड्वेन ब्राभो स्वगु विकेट, साम कुरान, शार्दुल ठाकुर व करण शर्मा न निगु निगु विकेट काःगु खः। चेन्नइया दीपक शर्मा प्यंगु ओभरय् ४७ रन बिःगु खः।
Categorized in कासा