येँ महानगर १७ वडाय् १९म्ह कोरोना सक्रमण
लहानान्युज | अनलागा १ ११४०,असोज १६ शुक्रवाः
![](https://www.lahananews.com/sites/default/files/17_11.jpg)
येँ महानगरपालिका १७ वडाय् थौ जक १९ म्हेसित कोराना सक्रमणया पुष्टि जूगु दु।
थौं १७ वडाया दुने धौबिचौरय् ७ म्ह, ढल्को ५ म्ह, खुसिबुँ ३ म्ह, क्षत्रपाटी निम्ह नाप क्वाः बहाः व कुश्लेचौरय् छम्ह छम्हेसित कोरोना पुष्टि जूगु दु।
थ्व नाप येँ महानगरपालिका १७ वडाया दुने आःतक कोरोना सक्रमितपि १४२म्ह थ्यःगु दु। अथेहे थौं जक ३५म्ह कोरोनामुक्त जुगु दु। आःतक कोरोना संक्रमण स्वम्ह सी धुकुगु दु।
छु दिं न्ह्यः जक वडाया कर्मचारी निम्हेसित कोरोना सक्रमण जुया वडाया ज्याकू बन्द जुगु खःसा १७ वडा अधक्ष्य नबिन मानन्धर आ थ्व हे वइगु आइतवाः निसे वडाया ज्याकू चाइ धका लहनान्युजयात जानकारी बियादिगु दु।
![](https://www.lahananews.com/sites/default/files/pictures/17_2.jpg)