पत्रकार सानुकाजीया अन्त्येष्टि क्वचाल
लहनान्यूज | सिल्लागा अष्टमि ११३७ (फेब्रुअरी १९ २०१७)
![](https://www.lahananews.com/sites/default/files/sanu1.jpg)
थौं सुथय् आकाझाकां मदुम्ह पत्रकार सानुकाजी महर्जनया अन्त्येष्टि येँया लुतिइ जूगु दु ।
मदुम्ह महर्जनयात वयकःया माइलाम्ह दाजु लक्ष्मीनारायण महर्जनं मि तयादीगु खः । महर्जनयात बिचाः हायेकेत लुतिइ तःधंगु हे ल्याखय् नेवाः पत्रकारत लिसें नेवाः न्ह्यलुवा, कार्यकर्तापिं थ्यंगु खः ।
अन्त्येष्टि स्वयां न्ह्यः, नेवाः पत्रकार राष्ट्रिय दबू केन्द्रिय नायः श्रीकृष्ण महर्जन व दबू, येँ जिल्लाया नायः नातीकाजि महर्जनं मदुम्ह महर्जनया सीम्हय् पत्रकार दबूया झण्डां फायेकाद्यूगु खः ।
मदुम्ह महर्जन पत्रकार दबू येँ जिल्लाया दांभरिं तकं खःसा वयकलं नेपालभाषाया न्हिपौ झीगु स्वनिगःया नितिं ज्या याना वयाच्वनादीगु खः । मदुम्ह महर्जनया छुं दिं न्ह्यःनिसें सुगर व ब्लड प्रेसर कुहां वयाच्वंगु खःसा झारा नं जुयाच्वंगु दुगु खः ।
मदुम्ह महर्जनया परीवारय् अबुलिसें निम्ह दाजु, न्याम्ह ततापिं लिसें जहान व म्ह्याय् छम्ह दु ।
![](http://www.lahananews.com/sites/default/files/pictures/sanu.jpg)
थुगु बुखँ नं ब्वनादिसँ : पत्रकार सानुकाजी महर्जन मन्त
Categorized in राष्ट्रिय