कोरोनां काभ्रेय् छम्ह मन्त
लहानान्युज | अनलाथ्व षष्ठी ११४०,असोज ६ मंगलवाः
![](https://www.lahananews.com/sites/default/files/2dae_9.jpg)
कोरोना संक्रमणया कारण काभ्रे पनौती नगरपालिका–५ चौकोटया छम्ह मिसा धुलिखेल अस्पतालय् सोमवाः चान्ह्य सीगु दु । थ्व नाप काभ्रेपलाञ्चोकय् स्वम्ह मिसा व निम्ह मिजं कोरोना संक्रमणया मदुगु खः ।
न्यय् दँ दुम्ह उम्ह मिसा कोरोना संक्रमण जुइवं धुलिखेल अस्पतालया भेन्टिलेटरय् वासः याकेगु झ्वलय् १९ दिं लिपा मदुगु धका कोभिड–१९ रोकथाम तथा नियन्त्रण कमाण्ड पोष्टया सदस्य सचिव नाप जिल्ला स्वास्थ्य कार्यालय प्रमुखं धाःगु दु ।
वयागु आमाशयया क्यान्सर ल्वय् दुम्ह खःसा धुलिखेलय् वासः याये न्ह्यः यलया मेडिसिटी अस्पतालय् ‘केमो’ कया वयाच्वम्ह खः ।
आःतक काभ्रेपलाञ्चोकय् ४६९म्ह कोरोना संक्रमण खने दुगु दु । संक्रमितपि मध्ये न्याम्ह सी धुकुगु दु । ३१२म्ह वासः याना छेँ लिहा वन धुकुगु दु । १५३म्ह सक्रिय संक्रमितपि मध्ये ९४ म्ह अस्पताल आइसोलेसनय् व ६७ म्ह होम आइसोलेसनय् च्वना च्वंगु दु ।
Categorized in राष्ट्रिय