भारत कोरोना संक्रमणया न्हुगु छन्हु ९७ हजार ८९४म्ह
मिलन | अनलाथ्व १ ११४०, असोज २ शुक्रवाः
कोरोना संक्रमणया न्हुगु रेकर्ड कायम जुगु दु । वःगु २४ घण्टाय् आःतक दकलय् अप्वो ९७ हजार ८९४म्हेसित संक्रमित जूग दु ।
भारतय् छन्हु हे थुलि अप्वो संक्रमितपि पिहावःगु थ्व हे हलिमय् न्हापागु पटक खः ।
आःतक भारतय् कोरोना संक्रमितपि ५१ लाख स्वया अप्वोे जुइ धुकुगु दु । विश्व स्वास्थ्य संगठनया कथं आःतक भारतय् ५१ लाख १८ हजार २५३ म्ह कोरोना संक्रमण पुष्टि
जुइ धुकुगु दु ।
तथ्यांक कथ ८३ हजार १९८ म्ह सी धुकुगु दु । वःगु २४ घण्टाय् जक भारतय् १ हजार १३२म्ह कोरोना संक्रमितपि सी धुकुगु दु धको विश्व स्वास्थ्य संगठनया तथ्यांकय् उल्लेख याःगु दु ।
भारत विश्वय् हे दकलय् अप्वो कोरोना संक्रमित जुगु देय् या धलखय् अमेरिकालिपा निगु थासय् लाना च्वंगु दु ।
विश्व स्वास्थ्य संगठनया कथं आःतक विश्वय् कोरोना संक्रमितपि २ करोड ९७ लाख ३७ हजार ४५३ म्ह थ्यःगु दु सा ९ लाख ३७ हजार ३९१ म्ह सी धुकुगु दु ।
Categorized in अन्तर्राष्ट्रिय
