ठमेल पर्यटन विकासय् गुरुङया नेतृत्व
लहनान्यूज | सिल्लाथ्व द्वादशी ११३७ (फेब्रुअरी ८ २०१७)
![](https://www.lahananews.com/sites/default/files/thamel.jpg)
ठमेल पर्यटन विकास परिषदय् समीर गुरुङयात न्हूम्ह नायः ल्यःगु दु ।
येँय् क्वचाःगु परिषदया विषेश साधारणसभां समीर गुरुङ्गया अध्यक्षताय् १५ दुजःया न्हूगु ज्यासना पुचःयात निर्विरोध निर्वाचित याःगु खः । न्हूगु ल्यःगु ज्यासना पुचःया स्वम्ह न्वकुलिइ प्रकाश नरसिंह राणा, राजु मान डंगोल व गीता गुरुङ्ग ल्यःगु दु ।
न्हूम्ह मू छ्यान्जेय् भविश्वर शर्मा, व छ्यान्जेय् धाःसा दावाङ्ग तामाङ्गयात ल्यल । दांभरिं पदय् नारायण खनाल निर्वाचित जूगु दुसा दुजलय् गोपाल गुरुङ्ग, राजेन्द्र बहादुर दुलाल, टासी गुरुङ्ग, अनिल गरुङ्ग, रत्न प्रसाद दुलाल, राम चन्द्र गिरी, पुण्य राम लगेजु, किरण गुरुङ्ग निर्वाचित जुल ।
विशेष साधारण सभाय् मू पाहां कथं झाःम्ह पूर्व उपप्रधानमन्त्री प्रकाशमान सिंहं नुगः खँ तयेगु झ्वलय् राजधानीया महत्वपूर्ण क्षेत्र थँबहिलिं देयया पर्यटन प्रवद्र्धनया ख्यलय् च्वछायेबहःगु भूमिका म्हिता वयाच्वंगु धयादिल । सभाया उलेज्या यासें सिंहं थँबहि क्षेत्रया २४घौ हे खुला तयातयेगु नितिं आवश्यक कार्ययोजना क्वःछीमाःगु जिकिर यानादिल ।
![](http://www.lahananews.com/sites/default/files/pictures/thamel-2.jpg)
थुगु हे खँय् बः ब्युसें नेपाल प्रहरीया एसएसपी छविलाल जोशीं थँबहियात २४घौ हे खुला यायेत माःगु शान्ति सुरक्षा ताःलाकेगु प्रतिवद्धता प्वंकादिल ।
Categorized in राष्ट्रिय